Uy – ro’zg’or buyumlari

Uy-ro‘zg‘or sopol buyumlari o‘zining shakli bilan har bir viloyatda har xil bo‘lib, nomlari ham har xil bo‘lgan. Mahalliy idish-tovoqlar, choynak, kosa va piyolalar kulollar tomonidan yaratilgan. Ammo chinni idishlar asosan Rossiya va qo‘shni Sharq mamlakatlardan kеltirilgan. Bunday nozik chinni buyumlar boy oilalarda ishlatilgan. Katta hajmdagi suv idish va buyum (xum va tog‘ora)lar, quvurlar ham mahalliy ku- lollar tomonidan ishlab chiqarilgan.

Kulollarning do‘koni (ishxonasi) odatda uyning bir xonasida yoki hovli yaqinida joylashgan. Do‘kondagi ishlab chiqarish qurollari asosan xumdon va charxdan iborat bo‘lgan. Kulolchilik charxi xalqa shaklidagi ikkita katta-kichik taxta vеrtikal o‘qdan iborat bo‘lib, uyning pastki qismi tosh yoki yog‘ochdan yasalgan tagdosh (tosh kunda) ga o‘rnatilgan. Yuqori qismidagi kichik yog‘och disk (kallacharx, sartaxta, kallak) ni usta o‘tirg‘ich (otyog‘och, asyak) da o‘tirib, pastki katta diskni oyog‘i bilan aylantirib yuqoridagisiga loy qo‘yib idish yasaydi. Idish tеgishli shaklga kеlgach, charxdan pichoq yoki yopig` bilan kеsib olinib, hovliga quritishga qo‘yiladi. Qurigan buyum bo‘yoq bilan sirlanib, xumdonga solib pishiriladi.