Shifobaxsh ne’matlar:Tut mevasi

  

    Voxamizdagi xonadonlarda, ko’cha bo’ylarida tut daraxtiga ko’zimiz tushadi. U soyasi, ipak qurti uchun oziqa bo’ladigan  bargi, yog’ochning mustahkamligi bilan emas, balki mevasining shirinligi, hushta’mligi va shifobaxshligi uchun ham e’zoz-lanadi. Chunki  sharq tabobatida ko’pgina xastaliklar tut mevasi bilan davolangan.

    Tutning turi, ham navi ham ko’p, ulardan balx tuti alohida ahamiyatga ega. U isitmani tushiradi, kishiga darmon bag’ishlaydi, qonni ko’paytiradi. Balx tutini ayniqsa, tinkasi qurigan, og’ir xastalikka duchor bo’lgan bemorlar, homilador ayyollar ko’proq iste’mol qilinishi tavsiya qilinadi.

    Buyuk alloma Ibn Sino og’iz va tomoqda hosil bo’ladigan shishlarni, ichburug’ kasalligini davolashda tut mevasi va uning shirasidan foydalangan. Bu tutning foydali xususiyatlari ilmiy tibbiyotda ham o’rganilgan bo‘lib, angina, tomoq domsimon bezining yallig’lanishi surinkali tus olganida, og’iz shilliq pardalarining yallig’lanishi va diabet xastaliklarida tut qoqilaridan tayyorlanadigan dimlamalardan keng foydalangan.

     Shamollaganda va gipertoniyaga qarshi kurashda tut qoqisida damlama choy tayyorlab  iste’mol qilinsa yaxshi samara beradi. Yurak xastaliklarida tut sharbatidan kuniga 2-3 osh qoshiqdan uch marta ichilsa juda faydali. Balx tutining tarkibida 25 % gacha gulikoza, mal’toza, saroza, furuktoza ko’rinishidagi karbon suvlar, olma, limon kislotalari, C belgi darmonlari, P faol moddalar temir, kaliy kalsiy, magniy va pektin moddalari bor.

     Odamlar azaldan tut qoqilaridan kulchalar yopishgan, somsalar pishirishgan, mevasidan shirinni tayyorlab, yil davomida darmondori sifatida iste’mol qilishgan, opganizmda imuitetni oshirib borishgan.

     Balx tuti mevasidan tayyorlangan sirka har qanday yog’li taomlarni singib ketishiga yordam beradi. Taomlarga qo’shib yeyilsa, qon bosimini kamaytirish quvvatiga ega.

      Ayni paytda  qishloqlardagi tut mevalari g’arq pishgan payt. Bundan unumli foydalangan har bir kishi darmondorilarga boy ushbu ne’matdan ko’proq iste’mol qilib, sog’ligini mustahkamlasa yaxshi bo’lardi.